O Partido Galeguista e as entidades da emigración de Buenos Aires (Federación de Asociacións Galegas da R.A., Centro Galicia, Centro Gale- go, Instituto Arxentino-Galego Santiago Apóstol, ABC de Corcubión, Cen- tro Betanzos e a Fundación Xeito Novo, asumimos a obriga histórica de presentar ao conxunto da sociedade galega, mediante o Parlamento de Galicia e os voceiros dos tres grupos parlamentarios: Pedro Puy Fraga, PP; Ana Pontón, BNG; Luis Manuel Álvarez, PsdeG-PSOE; e Miguel Án- gel Santalices Vieira, Presidente do Parlamento; o Manifesto en favor do Recoñecemento de Alfonso Daniel Manuel Rodríguez Castelao como o «Presidente do Consello de Galiza - Primeiro Presidente de Galicia». Esta petición de reparación histórica vai fundamentada no propio Manifesto e avalada legalmente polo detallado informe suscrito polo despacho do xu- rista Xoán Antón Pérez Lema.

A próxima celebración do nacemento de Castelao, Rianxo, 29 de xa- neiro de 1886, é unha oportunidade histórica para instalar no conxunto da nosa sociedade e no mundo os valores democráticos, humanistas e de defensa da Nosa Terra que levaron a Castelao á presidencia do Consello de Galiza, no exilio porteño, en 1944.